Şuşa işğaldan azad olunarkən Şuşa qalasının, Xankəndi öz əzəli sahibinə qovuşarkən üçrəngli bayrağımızın rəsmini paylaşmağa həvəs, maraq, cəhd göstərməyən "Azadlıq” qəzeti və onun beyinsiz başbiləni Əli Kərimli bu gün Azərbaycana qarşı riyakar və absurd mövqe tutan alman deputat Frank Şvabenin müsahibələrini, açıqlamalarını öz səhifəsində bəh-bəhlə paylaşır. Rəzalət bax budur! Vicdansızlıq bax budur! Anti-milliliyin "everest”i bax budur!

Əslində bənzər hadisələrin tək müsbət tərəfi odur ki, belə məqamlarda Əli Kərimli və ona oxşayan vətən xainlərinin əsl siması daha aydın görünür. Necə sevinirlər, ilahi. Avropa Şurası ilə problem yaşanıb deyə, Gürcüstan ermənilərlə ikitərəfli saziş bağlayıb deyə, Makronun gülməşəkər nazirləri Parlamentdə bir-iki bəyanat verib deyə bunlar necə xoşbəxt, bəxtəvər olublar, ilahi!

Yenə qayıdıram Şuşaya, Laçına, Kəlbəcərə... Mənə çox maraqlıdır: Görəsən İlham Əliyev televiziya efirindən Şuşanın işğaldan azad olunmasını elan edəndə Kərimli neyləyib? Harada olub? Sevinibmi? Əgər sevinibsə, bir tərəfli formada deyirəm: mənim üzümə lənət! Əgər bizim qəhrəman əsgərlər Laçına, Ağdama, digər rayonlara ayaq basarkən Əli Kərimlinin içində azacıq da olsa vətənpərvərlik hissi oyanıbsa, buna şad olubsa, mənim nəinki üzümə, hətta özümə də lənət!

Bütün əzizlərimin canı, sevinməyib! Bütün inandıqlarıma and olsun, əksinə, pəjmürdə olub, yasa batıb, vicdansızcasına köks ötürüb, dərin fikirə gedib.

Çünki nadanlıq onun iyrənc simasına yazılıb! Çünki vətən – belələri üçün ancaq alqı-satqı mövzusudur! Çünki bu adam 30 ildir hakimiyyəti ona görə istəyir ki, öz rəzil məqsədlərini reallaşdırsın, hər kəsdən qisas alsın, hər şeyi satsın, dağıtsın, bitirsin!

Çabalayın, tarixin zibilliyində! Verin, yayın üfunətli qoxunuzu hər yana. İylənin, qaldığınız yerdə. Boğulun, qaramat hikkənizin, xislətinizin içində, kölgəsində!

Siz İlham Əliyevin nəinki kənara atılan dırnağı, heç o dırnağa qonan toz da ola bilmərsiz! Yaramaz gədələr. Satqın biveclər! Vətən satmaq, düşmən ocağına odun atmaq üçün səbrsizliklə növbə, məqam, şərait gözləyən yaramazlar!

O Şvabe, o da siz. Gedin, qoşalaşın, gəzin. Sevginizi daha başqa formalarda da izhar edin. Qılığına girin, pulunu alın, özünüzü mümkün qədər daha çox rüsvay edin. Amma bu arada açıq danışmağı da unutmayın. Deyin ki, biz satılıq ünsürlərik və özümüzü çox ucuz qiymətə təklif edirik. Yəni, adam sizi vitrin malı zənn etməsin.

Çünki, nimdaş və tarixi keçmiş məhsulların qiyməti başqa olur....

Elşən Musayev, Milli Məclisin deputatı, Demokratik Maarifçilik Partiyasının sədri.