Ərdoğandan dünyaya Şuşa konsulluğu mesajı - o sözləri niyə dedi...
15 İyun 2023, 15:51
15 İyun
2023
15:51
213
Türkiyə Prezidenti Rəcəb Tayyib Ərdoğan növbəti dəfə prezident seçildikdən sonra ilk xarici səfərini Azərbaycana etməklə, həm də bunu ən qısa zamanda gerçəkləşdirməklə əslində dünyaya növbəti dəfə mesaj verib. O, Bakıda olarkən həm regional, həm qlobal proseslərlə, həm də konkret Qarabağla bağlı mühüm açıqlamaları ilə də dünyaya - dostlara, bədxahlara ismarışlarını çatdırmış oldu.
Bunlardan ən mühümü Ərdoğanın "Türkiyənin Şuşada Baş Konsulluğunu istənilən zaman açmağa hazırıq” söyləməsi oldu: "Şuşa Bəyannaməsi ilə müttəfiqlik səviyyəsinə yüksəltdiyimiz əlaqələrimizi bütün sahələrdə inkişaf etdirməkdə qərarlıyıq. Şuşadakı baş konsulluğumuzu istədiyiniz vaxt açmağa hazırıq. Əgər Türkiyənin Şuşada Baş Konsulluğu açılarsa, əlbəttə, bu, Ermənistan başda olmaqla, bütün dünyaya bir mesaj olacaq”.
Şuşada Türkiyə dövlətinin konsulluğunun açılacağı ilə bağlı bəyanat əslində Şuşa Bəyannaməsi imzalanan vaxt verilmişdi. Əlbəttə, diplomatik nümayəndəliyin yaradılması asan proses deyil və həm də nəzərə almaq lazımdır ki, Şuşada sürətli təmir-bərpa işləri gedir, ermənilər bu şəhəri elə kökə salmışdılar ki, restavrasiya üçün uzun zaman lazımdır. Türkiyə konsulluğu isə təbii ki, möhtəşəm bir binada olmalıdır. Ərdoğan Azərbaycanda səfərdə olarkən konsulluğun açılması işlərinin sürətləndirilməsi üçün XİN başçısı Hakan Fidana da tapşırıq verib. Ərdoğanın "Əgər Türkiyənin Şuşada Baş Konsulluğu açılarsa, əlbəttə, bu, Ermənistan başda olmaqla bütün dünyaya bir mesaj olacaq” söyləməsi təsadüfi deyil. Bu sözlərin arxasında böyük bir məna var. Söhbət ondan gedir ki, bugünədək bəzi Avropa səfirləri Şuşaya səfər etməkdən yayınıblar, revanşist ermənilər yenə də Şuşanın adını təhrif edərək yazırlar və s. Ərdoğan konkret olaraq bunlara konkret son qoyulması ismarışını çatdırıb.
Qardaş ölkənin başçısı bununla konkret kimlərə səsləndi? Bu mesajın açması nədir?
Elşən Musayev: "Bu ismarış düşmənin belinin növbəti dəfə qırılması anlamına gəlir”
Demokratik Maarifçilik Partiyasının sədri, deputat Elşən Musayev Ərdoğanın Bakı mesajlarının son dərəcə ciddi bir hadisə olduğunu söylədi: "Heç şübhəsiz ki, cənab Ərdoğanın Azərbaycana rəsmi səfəri dostları sevindirən, düşməniləri isə kədərləndirən bir hadisədir. Üstəlik, bu səfərin Türkiyədə keçirilən prezident seçkisindən dərhal sonra reallaşması ondan xəbər verir ki, Türkiyə və Azərbaycan qardaşlığı, iki dövlət arasındakı möhkəm münasibətlər yüksələn xətt, istiqamət üzrə davam edir. Bu da son dərəcə qürurverici, sevindirici bir haldır.
Təbii ki, indi son dərəcə həssas məqamdır. Əzəli torpaqlarımız Ali Baş Komandanın rəhbərliyi ilə işğaldan azad edilib və sülhün astanasındayıq. Və belə bir məqamda cənab Ərdoğanın Azərbaycana növbəti dəfə səfər etməsi, ələlxüsus da Qarabağla bağlı gözlənilən açıqlamalar, mesajlar verməsi son dərəcə ciddi hadisədir və paralel olaraq həm də birliyimizin, vəhdətimizin təcəssümüdür. Eyni zamanda Türkiyə Prezidenti Şuşada çox tezliklə Baş Konsulluğun açılması ilə də bağlı məxsusi mesaj verdi. Bu, düşmənin belinin növbəti dəfə qırılması anlamına gəlir! Həmin ismarış artıq Qarabağda təhlükəsizliyin tam təminatı, təməlli sülhün tezliklə reallaşması, bölgədəki sabitliyin günbəgün daha da möhkəmlənəcəyi anlamına gəlir.
Bildiyimiz kimi, artıq konsulluğun açılması üçün işlər intensivləşib, hər iki dövlətin aidiyyəti qurumlarına bununla bağlı müvafiq tapşırıqlar verilib və düşünürəm ki, cənab Ərdoğanın son səfərindən sonra məlum istiqamətdə iş prosesi daha da sürətlənəcək".
Əhəd Məmmədli: "Ərdoğanın ”Qızıl alma" hədəfində Azərbaycanın xüsusi yer alması çox önəmlidir"
AĞ Partiya başqanının I müavini, siyasi şərhçi Əhəd Məmmədli Azərbaycan üçün növbəti vacib proseslərin başlandığını qeyd etdi: "Əvvəla onu deyək ki, qardaş ölkə Türkiyənin prezidentinin Azərbaycana səfər etməsi artıq siyasi ənənə, etiket halını alıb. Türkiyə-Azərbaycan yaxınlaşması son illər daha sürətli hal alıb. Bu yöndə iki dövlət başçısının da fəaliyyəti təqdirəlayiqdir. Ümumiyyətlə, Ərdoğan personasının Türkiyə-Azərbaycan yaxınlaşmasında rolu haqqında ayrı danışmaq olar. Ərdoğanın "Qızıl alma" hədəfində Azərbaycanın xüsusi yer alması çox önəmlidir. Hələ 44 günlük müharibədən əvvəl həm də sizin KİV-ə müsahibələrimdə dəfələrlə vurğulamışam ki, nə vaxta qədər Ərdoğan Türkiyədə hakimiyyətdədir, biz bundan ölkə olaraq yaxşı mənada öz xeyrimizə maksimum istifadə etməliyik. 2020-ci ilə Qarabağ münaqişəsinin həllində Azərbaycan üçün həlledici il kimi baxırdım və bütün bunları Ərdoğanın Azərbaycana müsbət amili ilə bağlayırdım. Şükürlər olsun ki, 2020-ci ildə Azərbaycan böyük ölçüdə Qarabağ problemini həll etdi və burada Ərdoğan Türkiyəsinin rolu əvəzsiz oldu. Şuşada konsulluğa gəldikdə isə bu çox əla ideyadır. Ələlxüsus da Zəngəzurda İran və Rusiyanın konsulluğunun açılmasına yaxşı cavab olardı. Bəzi Qərb səfirlərinin hələ də Şuşaya səfər etməməsi onlar üçün rəzalətdir. İşğaldan azad edilmiş qədim Azərbaycan şəhəri Şuşaya hələ də səfər etməmək bilavasitə ərazi bütövlüyümüzü şübhə altına qoymaqdır və təbii ki, bu hal bizim üçün qəbuledilməzdir. Fürsətdən istifadə edərək Şuşada konsulluqdan əlavə həm də əvvəl planlaşdırılan Alparslan Türkeşin adına ülküçü məktəbin açılmasının da vacibliyini bildirirəm. Qarabağ, Şuşada MHP-nin məktəbinin açılması Türkiyə konsulluğunun açılması kimi önəmli faktordur".
Elxan Şahinoğlu: "Qərbə, Rusiyaya və İrana, eləcə də Ermənistana, separatçılara mesajdır ki...”
"Atlas” Araşdırmalar Mərkəzinin rəhbəri Elxan Şahinoğlu isə daha vacib bir məqama aydınlıq gətirdi. Onun fikrincə, Dövlət Baxçalının Şuşada məktəb tikmək təşəbbüsünə olan maneələr burada təkrarlanmamalıdır: "Ərdoğanın Azərbaycan Prezidenti İlham Əliyevlə birgə mətbuat konfrasında Şuşada konsulluqla bağlı açıqlaması hamıya bir mesajdır. Xüsusilə Qərbə, Rusiyaya və İrana, eləcə də Ermənistana, separatçılara mesajdır ki, artıq Türkiyə Qarabağda möhkəmlənib. Çünki konsulluğun varlığı həmin ölkənin həmin ərazidə varlığını möhkəmləndirir. Azərbaycana da mesajdır ki, bu işi sürətləndirmək lazımdır. Çünki bu məsələ Şuşa Bəyannaməsində də əks olunub. Orada müvafiq bənd var. Bu prosesi sürətləndirmək lazımdır. Qətiyyən ləngitmək olmaz. Zatən Şuşada indi tikinti işləri sürətlənib. Konsulluq binasının inşasını sürətləndirib, Türkiyənin konsulluq xidmətinin fəaliyyətini sürətləndirmək Azərbaycan üçün də siyasi mənada əhəmiyyətlidir. Çünki Türkiyənin Qarabağda varlığı Azərbaycanın birbaşa milli və təhlükəsizlik maraqlarına cavab verir. Bu, separatçılara və Rusiyaya ciddi mesajdır. Biz indi çalışırıq ki, Rusiya iki ildən sonra bölgəni tərk etsin. Demək, Türkiyə yanımızda olmalıdır. Ona görə də Ərdoğanın bu məsələnin üzərinə yenidən qayıtması, xatırlatma etməsi hamıya ciddi mesajdır ki, bu məsələ həll olunmalıdır. Türkiyə Azərbaycana dəstəyini davam etdirəcək. Fikir verin, Ermənistan çalışır ki, ona dost, tərəfdaş ölkələr Zəngəzurda konsulluqlar açsınlar. İkisi artıq açıb, İran açıb, Rusiya da artıq açmaq üzrədir. Belə olan halda biz də öz müttəfiqimiz və qardaş dövlət Türkiyə ilə birgə hərəkət etməliyik, Şuşada həmin konsulluq binasının açılmasını sürətləndirməliyik. Hələ başqa bir təşəbbüs də var idi. Çox təəssüf ki, o həyata keçirilmədi. MHP-nin vəsaiti ilə Şuşada məktəb tikilməsini nəzərdə tuturam. Təəssüf edirəm ki, bürokratik əngəllər buna mane oldu. Amma eyni bürokratik əngəllər Şuşada Türkiyə konsulluğunun açılmasını ləngitməməlidir”.
Alp Arslan İmamqulu: "Bu mesaj həm region, həm də dünya dövlətlərinə yönəlib”
Hərbi ekspert Alp Arslan İmamqulu bildirdi ki, Şuşada konsulluğun açılması Şuşa Bəyannaməsindən irəli gələn atılmış bir addım olacaq: "Burada çox önəmli bir mesaj da verilib. Bu mesaj həm region, həm də dünya dövlətlərinə yönəlib. Sadəcə, Ermənistan üçün deyil, eyni şəkildə onun havadarları, ona dəstək olan revanşist qüvvələr üçün açıq bir məna daşımaqdadır. Türkiyənin bu addımı atmış olması Türk Dövlətləri Təşkilatına üzv dövlətlərin gələcəkdə daha sıx əlaqələr qurmalarına səbəb olacaqdır. Bunun davamında ortaq universitetlərin, ali hərbi məktəblərin qurulması yönündə addımlar da mütləq atılacaq. Bütün bunlar ümumən gələcəkdə - necə ki, NATO var-bir Turan ordusunun qurulması istiqamətində atılmış olan addımların bir tərkib hissəsidir”.
Xəbər lenti
-
18:31O boyda parlament gör kimlərin ümidinə qalıb…
-
14:41Akademik Zərifə Əliyeva Azərbaycan oftalmologiya elmini dünyada tanıdıb
-
14:37Hikmət Hacıyevdən minalanmış ərazilərlə bağlı açıqlama
-
15:18Deputat ABŞ-ı və Avropanı ağ yuyub qara sərdi: “Sizin qarnınızın ağrısı başqadır!”
-
11:19Naxçıvanda “QHT-lərin IV İnkişaf və Mübadilə Proqramı” keçiriləcək
-
10:56Azərbaycanın Qlobal İqlim Dəyişikliklərinə verdiyi töhfələr (3-cü yazı)
-
16:42Qan donorluğu və irsi qan xəstəliyi ilə bağlı maarifləndirici tədbir təşkil olunub
-
10:24ASAN könüllülərinin “Qarabağ” mədəniyyət sərgisi baş tutub
-
18:04Xankəndidə ilk körpə dünyaya gəlib
-
17:59Azərbaycanla Ermənistan arasında ilk sərhəd dirəyi quraşdırılıb - FOTO
-
17:37Kibercinayətkarlığa qarşı mübarizədə ictimai maarifləndirmə məsələləri müzakirə edilib
-
12:45Qazaxın işğaldan azad edilən kəndlərindən görüntülər - Erməni postları sökülür
-
12:42Prezident Rusiyada səfərdədir (FOTO)
-
12:39"Bilim Bakı"nın şagirdləri növbəti uğura imza atıblar
-
18:12Oxuduğu məktəbdə adı əbədiləşən şəhidin atası: “Sanki atasını qarşılayır” - VİDEO
-
13:00Aygün Əliyeva “Mir Şahinin vaxtı”nda: "Bizə yalnız effektiv nəticələr lazımdır"
-
11:37Deputat Ramil Həsən Ucarda seçicilərlə görüşdü
-
13:11Oslo Bəyannaməsi insan inkişafının təmin olunmasında yeni çağırışları ortaya qoyur ŞƏRH
-
16:52“Əli Kərimli “siyasi poçtalyon” funksiyasını üzərinə götürərək mitinqi anons edir” - DEPUTAT SƏRT DANIŞDI
-
12:55“InvestAZ”dan dünya maliyyə bazarları ilə bağlı həftəlik analiz
-
10:27Şəhid və yaralıların olması barədə saxta xəbər yayanlar tutulub –DTX və MEDİA-dan BİRGƏ AÇIQLAMA
-
10:11“Yaşıl dünya naminə həmrəylik ili” çərçivəsində növbəti ağacəkmə aksiyası keçirilib
-
10:47Prezidentin o israrının ilginc səbəbi - görüş niyə təxirə salınmadı?
-
11:35Ermənisayağı “iqtisadi sıçrayış”
-
13:23ABŞ-Aİ-Ermənistan görüşü xüsusi məqsədlərə hesablanıb - Deputat
-
15:07Aİ, ABŞ və Ermənistanın təhlükəligörüşü - İrəvan üçün tələ...
-
10:37Azərbaycan Respublikası Milli Məclisinin deputatı Ramil Həsənin 1 illik HESABATI
-
17:20Dayanıqlı inkişafa töhfə verən ali təhsil ocağı
-
09:25Hikmət Hacıyev NATO-nun sabiq Baş katibi Rasmussenlə bağlı paylaşım edib
-
09:18"MİNGƏÇEVİR DÖVLƏT UNİVERSİTETİ MODERNLƏŞDİRMƏ YOLUNDA" KİTABI HAQQINDA XOŞ TƏSÜRATLAR
-
12:584 fəsil dəniz mövsümü olan şimal adası
-
15:20“Əlbət ki, məlum terror öncədən planlaşdırılıb...” – Elşən Musayev
-
17:04Beynəlxalq Daun Sindromu Günü ilə bağlı tədbir keçirilib
-
14:16Ramil Həsənin təşəbbüsü ilə növbəti dəfə “Novruz” yardım aksiyasına start verildi
-
13:132024-cü il üzrə böyük, orta və kiçik qrant müsabiqələrinin nəticələri
-
12:56“InvestAZ”dan dünya maliyyə bazarları ilə bağlı həftəlik analiz
-
10:46QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ
-
16:17“YAŞAT” Fondu tərəfindən dəstək tədbirləri davam edir
-
10:59“Füzuli Könüllüləri” qrupuna qəbula start verilib
-
11:46Ermənistan Rusiya sərhədçilərini rəsmən qovur - Kremlin cəzası... SENSASİON DETALLAR
28 Aprel 2024
26 Aprel 2024
25 Aprel 2024
24 Aprel 2024
23 Aprel 2024
22 Aprel 2024
19 Aprel 2024
18 Aprel 2024
16 Aprel 2024
09 Aprel 2024
07 Aprel 2024
06 Aprel 2024
03 Aprel 2024
30 Mart 2024
29 Mart 2024
28 Mart 2024
26 Mart 2024
25 Mart 2024
23 Mart 2024
19 Mart 2024
18 Mart 2024
15 Mart 2024
14 Mart 2024
Digər xəbərlər
-
SİYASƏT
O boyda parlament gör kimlərin ümidinə qalıb…
-
SİYASƏT
Hikmət Hacıyevdən minalanmış ərazilərlə bağlı açıqlama
-
SİYASƏT
Deputat ABŞ-ı və Avropanı ağ yuyub qara sərdi: “Sizin qarnınızın ağrısı başqadır!”
-
SİYASƏT
Naxçıvanda “QHT-lərin IV İnkişaf və Mübadilə Proqramı” keçiriləcək
-
SİYASƏT
Azərbaycanın Qlobal İqlim Dəyişikliklərinə verdiyi töhfələr (3-cü yazı)
-
SİYASƏT
Qan donorluğu və irsi qan xəstəliyi ilə bağlı maarifləndirici tədbir təşkil olunub
-
SİYASƏT
ASAN könüllülərinin “Qarabağ” mədəniyyət sərgisi baş tutub
-
SİYASƏT
Xankəndidə ilk körpə dünyaya gəlib
-
SİYASƏT
Azərbaycanla Ermənistan arasında ilk sərhəd dirəyi quraşdırılıb - FOTO