Bu sözləri saytımıza açıqlamasında QHT sədri, internet-media ekspert Səbuhi Abbasov deyib. Qondarma rejimin cinayətkar hərbi rəhbərliyinin bütün üzvlərinin həbs olunmasını tarixi ədalət adlandıran S.Abbasov bir çox cinayətkarların Ermənistanda gizləndiyini deyib: "Bu gün üçün biz ilk növbədə Ümumilli lider Heydər Əliyevə sonsuz təşəkkür edirik. Allah rəhmət eləsin, ruhun şaddır, Öndərim! Ali Baş Komandan İlham Əliyevin adı isə təkcə Azərbaycan yox, dünya tarixinə yazıldı, həm də qızıl hərflərlə. Şübhə edənlər də var idi, mız qoyanlar da, hər zaman demişdim, deyirəm, İlham Əliyev elə-belə bu ili "Heydər Əliyev" ili elan etməyib. Və bu siyasi proseslər gələn ilə qala bilməzdi, Azərbaycan tarixində, məhz bu ildə tamalanma olmalı idi. Bəlkə də bu hadisələrin müasirləriyik deyə proseslərin həcmini, nəhəngliyini tam dərk eləmirik. Amma yüz illər boyunca 60 milyonluq Azərbaycan xalqı olaraq bu qüruru daşıyacaq, danışacağıq. Bir sıravi vətəndaş kimi prezidentimə təşəkkür edirəm və tam səmimiyyətimlə ona möhkəm can sağlığı arzu edirəm. Başımızdan əskik olma, Rəis!  Əziz, dəyərli, qiymətli Şəhidlərimiz, ruhunuz qarşısında baş əyirik! Əziz Qazilərimiz, var olun! Artıq bütün dünyaya var gücünüzlər bağıra bilərsiniz, MƏN AZƏRBAYCANLIYAM, igidlər diyarının övladıyam!"

7NEWS.az