"Regional mühitin bu qədər həssas məqamında, hamının əl-ələ verib vətəndaş mövqeyi, dövlətçilik ruhu sərgilədiyi bir anda Əli Kərimli adında çürük siyasətçi və onun ətrafındakı qaraguruh yığını yenə təxribatlarla, dezinformasiya ötürmələri ilə, öz anti-milli əməlləri ilə məşğuldur.” - 7NEWS.AZ xəbər verir ki, bu fikirləri Demokratik Maarifçilik Partiyasının sədri, Milli Məclisin deputatı Elşən Musayev bildirib.

"O boyda terror baş verdi, günahsız vətəndaşımız şəhid oldu, amma həmin hadisəyə münasibətdə nə Əli Kərimlinin səsi çıxdı, nə AXCP-nin, nə də ətraflarındakı qaraguruh yığınının. Susdular. Namərdcə susdular. Fəqət, həmin namərdlər hansısa girdirmə beynəlxalq QHT-nin, donoslarla qidalanan hansısa rəy sorğusu klubunun mənasız və absurd rəqəmlərinə dərhal reaksiya verirlər. Reaksiya və palaz-palaz müsahibələr. Əllərinə fürsət düşən kimi başlayırlar dövləti "vurmağa”, Azərbaycanı gözdən salmağa, mövcud olan bütün düşmənlərimizlə əlbir olmağa. Budurmu müxalifətçilik? Budurmu Əli Kərimlinin prioriteti? Budurmu AXCP-nin strategiyası? Əgər budursa, o zaman biz də deyirik və həm də gur səslə deyirik: Siz vətən xainlərisiz. Siz siyasətçi deyilsiz, siz fürsətcil rəzillər, yaramazlar və vicdanını itirən saxtakarlarsız!

Hələ də Müsavat yoxsa AXCP üzvü olduğu bilinməyən Tofiq Yaqubludan qəhrəman düzəltmək istəyənlər, ağıllı-ağıllı danışmağa cəhd etsə də ağıldan əsər-əlaməti olmayan Seymur Həzini ortalığa buraxanlar, "Azadlıq” qəzetini yalanın, təhrifin, söyüşün yuvasına çevirmiş olan Qəniməti özünə baş mirzə seçənlər, əllərində hakimiyyət nümayəndələrini söydürmək üçün xüsusi təyinatlı troll ordusu saxlayanlar bir şeyi anlamalıdırlar ki, onların dövrü gedib. Həm də çoxdan gedib! Əgər bir qaraguruhun başında Əli Kərimli dayanıbsa, demək ki, başdan iylənmə prosesi gedir, demək ki, sizin "BAŞ”ınız xarabdır, demək ki, siz başdan korlanmısız!

İftira dolu yazılar, kin-küdurət dolu atmacalar, ifadələr, açıqlamalar sizləri daha da bitirəcək, radikal bəylər! Əli Kərimlinin yanında olmağın özü artıq dəyərsiz olmağın, hörmətsizliyin göstəricisidir. Çox yanında olmaq isə - silinməz ləkəyə bulaşmağın!

Siz xaosun, bəsitliyin, nadanlığın, ikiüzlülüyün nəzəriyyəsini yazanlarsınız. Siz Qarabağı satan adamlarsız. Siz bu ölkənin inkişafını, uğurlarını heç cür həzm edə, qəbul edə bilməyən riyakarlarsınız.

Gedin, o donos ötürdüyünüz tərəfdaşlarınıza deyin ki, mənasız rəqəmlər və saxta indekslər heç nəyə yaramır. Azərbaycan dövləti və Azərbaycan vətəndaşı öz mövqeyini düşündüklərinə və gördüklərinə əsasən formalaşdırır. Düşündüyümüz və gördüyümüz isə odur ki, bu millətin tək nicatı İlham Əliyevdir!” – deyə Partiya sədri fikirlərinə davam edib.