03 iyun 2024-cü il tarixində Azərbaycan Respublikası Milli Məclisinin deputatı, Qərbi Azərbaycan İcmasının İdarə Heyətinin sədr müavini Ramil Həsən Yeni Azərbaycan Partiyası Ucar rayon təşkilatının akt zalında seçicilərlə görüşüb. 

Əvvəlcə millət vəkili Ramil Həsən və Yeni Azərbaycan Partiyası Ucar rayon təşkilatının sədri Şəhla Abdullayeva ulu öndər Heydər Əliyevin Ucar şəhərinin mərkəzində ucaldılmış abidəsini ziyarət edib, abidə önünə gül dəstəsi qoyub. Daha sonra rayon mərkəzində yerləşən Şəhidlər xiyabanında Vətən uğrunda canlarını fəda etmiş şəhidlərimizin məzarları ziyarət edilib, xatirələri ehtiramla yad edilib.

Ucar rayon seçiciləri ilə görüş çərçivəsində millət vəkili Ramil Həsən vətəndaşları qəbul edib, onları narahat edən qayğı və problemlərlə maraqlanıb. Seçicilər görüşdə əsasən səhiyyə, işsizlik, sosial problemlərin həlli, su, kanalizasiya problemləri, maddi dəstək, pensiya təyinatı, rayon mərkəzində yol-nəqliyyat infrastrukturu, məhkəmə işi və digər məsələlərlə bağlı fikirlərini millət vəkilinə bildiriblər.

Seçicilər mütəmadi olaraq Ramil Həsən tərəfindən həyata keçirilən xoşməramlı yardım aksiyalarının qarşıdan gələn Qurban bayramı çərçivəsində də davam etməsini arzu etdiklərini bildiriblər və davam etməsini rica ediblər.

Seçicilərin bir qismi görüşdə artıq həllini tapmış məsələlərlə bağlı deputat Ramil Həsənə dərin təşəkkürlərini ifadə iblər.

Ramil Həsən seçicilərini maraqlandıran və narahat edən məsələlərin tərəfindən araşdırılacağını və müvafiq dövlət qurumlarına çatdırılması ilə əlaqədar tədbirlərin görüləcəyini bildirib. 

Onu da qeyd edək ki, millət vəkili Ramil Həsən seçicilərlə görüşdən sonra Ucar rayonunun Qazyan kəndində Azərbaycan Respublikasının Milli Qəhrəmanı Ehtiram Əliyevin anası İmmi Əliyevanın vəfatının yeddi mərasimində iştirak edib.