“Azərbaycanın cavabı çox ağır və qəti olacaq” - TƏHLİL

“Azərbaycanın cavabı çox ağır və qəti olacaq” - TƏHLİL

"QHT nümayəndələrinin və Ekoloqların Sülhməramlılara qarşı etiraz aksiyalarını dəstəkləyirik! Azərbaycanın haqq savaşı 44 günlük vətən müharibəsində şanlı qələbə ilə sonlandı. Müharibənin hər günü Ermənistan dahada zəiflədi, dalana dirəndi və 10 noyabr üçtərəfli bəyanata imza atmağa məcbur oldu. Bəyənatı harada imzaladı, oda bəlli olmadı.”

7NEWS.AZ xəbər verir ki, bu fikirləri Milli Məclisin deputatı İlham Məmmədov deyib: "Əldə olunmuş razılaşmaya görə Rusiya sülhməramlıları Qarabağa yerləşdirildi və onlara müəyyən öhdəliklər verildi. Onların ən əsas vəzifələri isə Azərbaycan və Ermənistan arasında sülh müqaviləsinin imzalanmasına qədər tərəflər arasında münaqişələrin qarşısını almaq, sülh və sabitliyi qorumaq idi.


Ancaq Rusiya sülhməramlıları öz işlərini görməkdənsə başqa işlərlə məşğul olmağa başladılar. Obyektiv olmalı olduqları halda Qarabağda yerləşən erməni separatçılarına dəstək verməkdən çəkinmədilər və çəkinmirlər. Bu isə onların işinə tamamilə ziddir. Son olaraq Ekologiya və Təbii Sərvətlər Nazirliyinin əməkdaşlarının monitorinq üçün işğaldan azad olunmuş ərazilərə səfərinin qarşısını almaqla, jurnalistlərə qarşı müqavimət göstərməklə öz vəzifələrini yerinə yetirmədiklərini, erməniməramlı olduqlarını bir daha sübut etdilər. QHT nümayəndələrinin və Ekoloqların Sülhməramlılara qarşı etiraz aksiyalarına başlamlarını biz dəstəkləyir və alqışlayırıq. Düşmənlərimiz unutmasınlar ki, dəmir yumruq yerindədir və lazım gəldikdə öz funksiyasını 44 günlük vətən müharibəsində olduğu kimi tam yerinə yetirəcək və sözsüz ki, buna qadirdir. Ölkə prezidenti cənab İlham Əliyevin beynəlxalq aləmdəki nüfuzu ölkəmizin də nüfuzunun artmasına bilavasitə təsir göstərir. Hal-hazırda Azərbaycan Cənubi Qafqazın ən böyük və ən qüdrətli dövlətidir. O, cümlədən Azərbaycan Avropa İttifaqı üçün etibarlı tərəfdaşdır. Bütün bunlar Azərbaycanın dünyəvi əhəmiyyətinin göstəricisidir. Düşmənlərimizin bu amildən qorxması təəccüb doğurmur. Ermənilərin havadarları tərəfindən ortalığa çıxarılan və müəyyən məqsədlər uğrunda alət kimi istifadə edilən Ruben Vardanyan kimilərinə isə demək istəyirəm ki, Azərbaycan erməni faşizmni susdurmağı, terrorist ermənilərə dərs verməyi yaxşı bilir. Ermənistan və bütün dünya 44 günlük vətən müharibəsində bu nümunənin şahidi olub. Ruben Vardanyan özünü Qarabağ ermənilərinin "Ağası" kimi aparır. O, deyəsən "babası" Andranikin başına gələnləri unudub?! O, zaman biz yadına salarıq. Ruben Vardanyanı da Andranik kimi qulağını kəsib göndərərik gəldiyi yerə. Ruben Vardanyan milyonçu və kiminsə maşası ola bilər. Ancaq Azərbaycan hakimiyyəti və xalqı üçün bu nüanslar maraq doğurmur. Biz milli maraqlarımıza zidd olan bütün hallara qarşıyıq. Onların aradan qaldırılmasına da qadirik. Rusiya sülhməramlıları və Ruben Vardanyan kimi əlaltılar əgər öz işləri ilə məşğul olmamağa davam etsələr, milli maraqlarımıza zidd getsələr, ərazi bütövlüyümüzə və suverenliyimizə təhdidlər yaratsalar Azərbaycanın cavabı çox ağır və qəti olacaq.”

"Xankəndində başında de-fakto Volkov- Vardanyan cütlüyünün durduğu separatçı rejim orada xəstəxanalarda ağır vəziyyətdə olanların Laçın yolunun bağlanması səbəbindən İrəvana aparıla bilməmələri ilə bağlı səs-küy qaldıraraq bunu soyqırımı kimi təqdim edirlər.”

7NEWS.AZ xəbər verir ki, bu fikirləri Milli Məclisin deputatı Sahib Alıyev deyib: "Əlbəttə cəfəngiyatdır. Soydaşlarının timsalında Vardanyan, 366-cı alayın başında duranlarla eyni məqsədi güdən general Volkov əsl soyqırımın nə olduğunu Xocalıdan və bizə qarşı törədilən digər hərbi cinayətlərdən yaxşı bilirlər.

Xankəndindəki ağır xəstələrə gəldikdə, Səhiyyə Naziliyimizə və "TƏBİB"ə təklifim budur ki, onların tezliklə Bakıya gətirilərək ən yaxşı xəstəxanalarımızda müalicə edilmələrinə hazır olduğumuz haqda açıqlama yaysınlar.

 

 

Qoy Qarabağdakı dinc haylar görsünlər ki, Azərbaycanda onlara düşmən gözü ilə baxılmır. Amma bu ölkədə qalıb yaşamaq istəyirlərsə, digər vətəndaşlarımız necə onlar da elə qanunlarımıza uyğun hərəkət etməlidirlər, əks təqdirdə Ermənistana üz tutmaqdan başqa yolları yoxdur. Ermənistanda onlara necə yanaşıldığı isə kimsəyə sirr deyil. Və o da sirr deyil ki, Rusiyanın Qarabağdakı müvəqqəti hərbi kontingenti onların Ermənistana köçüb getməmələri üçün əlindən nə gəlir edəcək.

Ona görə yox ki, haylara canları yanır. Ona görə ki, Qarabağda qalmaları üçün hayların orada olmaları onlara lazımdır. Yəni volkovları haylar yox, nə qədər uzun müddətdə mümkündürsə, bir o qədər Qarabağda qalmaq maraqlandırır. Vardanyan da Xankəndinə məhz bu məqsədlə göndərilib.

Vardanyan Simonyan, Bağdasaryan, Moskvanın maraqlarına cavab verməyən davranış sərgiləyəndə öz xalqını "uzunqulaq" adlandıran Miqranyan və Rusiya televiziyalarında hər gün Ukraynaya od püskürən digərləri kimi əsl rus şovinistləridirlər. Onların hay təəssübkeşliyi Kremlin cızdığı çərçivədən kənara çıxa bilməz və çıxmır. Yəni dələduz Vardanyan Qarabağa oradakı soydaşlarına canı yandığı üçün gəlməyib, Rusiyanın regionda marağını təmin etmək üçün oradadır.”

Daha sonra çıqlamasında millət vəkili Azərbaycan Prezidentinin köməkçisi Hikmət Hacıyevin ölkəmizdə akkreditə olmuş diplomatik korpusun təmsilçiləri və hərbi attaşelər üçün brifinq keçirməsini tam zamanında atılmış addım olduğunu dedi: "Bu, Laçın yolunun orada etiraz aksiyasına qatılan əsgər qeyrətli soydaşlarımızın deyil, Rusiyanın Qarabağdakı müvəqqəti hərbi kontingentinin bağladığını bildirdi. Azərbaycanın Xarici İşlər Nazirliyinin Qarabağdakı hayların humanitar ehtiyaclarını qarşılamağa hazır olduğumuzu bəyan etməsi isə bu yolu bağlamaqla dünyanı bizim əleyhimizə qaldırıb orada yenə saman altdan su yeridəcəklərini, dələduz Vardanyanla əl-ələ verib təbii resurslarımızı çapıb-talayacaqlarını düşünənlərə çox gözəl cavabdır. Həqiqəti bilmək istəyənlər görürlər ki, orada etiraz aksiyası keçirən qeyrətli vətəndaşlarımızın, jurnalistlərimizin və bütövlükdə dövlətimizin məqsədi təkcə ekologiyaya böyük zərbə vurmaqla təbii resurslarımızın vəhşicəsinə talanmasının qarşısını almaq deyil. Həm də Qarabağdakı yerli hayları, dinc adamları nə qədər mümkündürsə, bir o qədər tez başında de-fakto Volkov- Vardanyan cütlüyünün durduğu separatçı rejimin zülmündən qurtarmaq, onların da digər Azərbaycan vətəndaşları kimi normal yaşamalarını təmin etməkdir. Yəni bu gün Rusiya hərbi kontingenti ilə üz-üzə duranlar Qarabağdakı dinc hayların düşmənləri yox, xilaskarlarıdır. Əminəm ki, gec-tez onlar da bu reallığı dərk edəcəklər. ABŞ-ın ölkəmizdəki diplomatik təmsilçiliyindəkilər də hazırda Laçın yolunda nəyin və niyə baş verdiyini dərk etmək istəyirlərsə, onda səfir Örl Litzenberger şeytanın qıçını sındırıb Şuşaya gedərək vəziyyəti yerində öyrənsə pis olmazdı. Onun Şuşaya niyə getmək istəmədiyi heç kəsə sirr deyil, ABŞ-da düşünürlər ki, bununla haylara Moskvadakılardan daha çox canları yandığını göstərib Rusiyanı Ermənistandan vurub çıxarmaq üçün zəmin hazırlayırlar. Qoy düşünsünlər, amma ABŞ-ın ölkəmizdəki səfirliyinin Laçın yolundakı aksiyanın mahiyyətinə varmadan general Volkovu təlimatlandıranların maraqlarına cavab verən açıqlama yayması çox yumşaq desək, məsuliyyətsizlikdir.

Cavid Məhərəmov

Material Azərbaycan Respublikasının Medianın İnkişafı Agentliyinin maliyyə dəstəyi ilə hazırlanmışdır. İstiqamətin kodu 6.3.7

 

 

Xəbər lenti