İşıqlı çağırışlar- Təranə Paşayeva yazır
08 İyun 2020, 11:37
08 İyun
2020
11:37
1521
Təranə Paşayeva
"Loqos”un rəhbəri, Psixoloji Xidmət və Tədqiqatlar Mərkəzi İB-nin sədri
Azərbaycan davamlı inkişafda olan bir ölkədir. Dövlət iqtisadiyyatının inkişaf etdirilməsi, bunun əsasında insanların həyat şəraitinin yaxşılaşdırılması, təhsil, səhiyyə kimi bütün taleyüklü sosial məsələlərin yüksək səviyyədə həlli üçün bütün imkanlardan tam dolğunluğu ilə istifadə edir və bunu görməmək, dəyərləndirməmək ədalətsizlik olardı.
Azərbaycanın müasir dövrdəki intibahını dünya görür, ölkəmizə etibarlı, layiqli tərəfdaş kimi baxır. Hər il Azərbaycanın iqtisadiyyatına yüz milyonlarla manat həcmində investisiyalar yatırılır. Bunların hamısı öz yerində. Bizim ana yasamızın ilk cümlələrindən birində deyilir ki, Azərbaycan dövlətinin mənbəyi Azərbaycan xalqıdır. Tarix də sübut etmişdir ki, şərəfli keçmiş də, dinamik bu gün də, ümidli, gözləntili gələcək də... bir sözlə, vətənimizin tarixi həmişə, tam ardıcıllıqla xalqa və millətə bağlı olmuşdur. Bu mənada ölkəmizdə qazanılan hər bir uğurun şəriksiz müəllifi xalqımızdır. Hər şey xalqın iradəsindən asılıdır.
Qədim inanclarımızda isə belədir; Allah deyir, səndən hərəkət, məndən bərəkət. Deməli, cəmiyyətimizin həmişə yüksələn xətlə irəliləməsi, yuxarıda qeyd etdiyimiz davamlı inkişaf bizim hər birimizin baş verən, yaşanmaqda olan çağdaş intibaha verəcəyimiz töhfələrdən asılı olacaqdır, həm də əhəmiyyətli dərəcədə.
Azərbaycan dövlətinin sahibkarlıq fəaliyyətinə dəstəyi şübhəsiz ki, qadın sahibkarlığını da əhatə edir.
Beş ildən artıqdır ki, sahibkarlıq fəaliyyəti ilə məşğul oluram. Rəhbəri və təsisçisi olduğum iki özəl qurum - "Loqos" Psixoloji Xidmət və Nitq İnkişaf Mərkəzi, həmçinin, Psixoloji Xidmət və Tədqiqatlar Mərkəzi İctimai Birliyi (QHT) gələcəyimiz olan uşaq və yeniyetmələrin, bütövlükdə yetkin insanların mənəvi-psixoloji sağlamlığı üçün çalışır, ənənələrə sadiq qalaraq həm Bakıda, həm də bölgələrdə psixoloji maarifləndirmə işi aparır.
Başlanğıc mərhələdə məqsəd yalnız paytaxtda yaşanan psixoloji problemləri önləmək, nitq qüsuru olan uşaqlara xidmətdən ibarət olsa da, hazırda "Loqos" PNİM-in Bakı şəhərində beş - Yasamal, N.Nərimanov, Nizami, Binəqədi rayonları ərazisində, beş filial isə Gəncə, Lənkəran, Xaçmaz, Bərdə, Abşeron rayonlarını və onlara yaxın olan yaşayış məskənlərini əhatə etməklə bölgələrimizdə fəaliyyət göstərir. Başqa sözlə, hazırda on ünvanda əhaliyə yaş məhdudiyyəti qoymadan və üç istiqamətdə (psixoloji, psixopedaqoji, loqopedik) kompleks xidmətdəyik. Çoxşaxəli və kompleks xidmət yolunu seçən "Loqos" PNİM-in əsas prioritet məqsədlərindən biri dövlətin maarifləndirmə proqramlarında yaxından iştirak etmək və bu istiqamətdə cəmiyyətimizə daha faydalı olmaqdır. Demək olar ki, fəaliyyətə başladığımız ilk ildən Mərkəzin təcrübəli və peşəkar psixoloq, loqoped komandası davamlı qaydada bölgələrə səfərlər edir, hər rayonda insanların psixoloji durumunu dəyərləndirərək aktual mövzularda konfrans, seminar və təlimlər təşkil edirlər. Maarifləndirmə proqramlarında cəmiyyətin özəyi olan ailə-qadın və uşaqlar mövzusuna daha çox yer ayrır, tam həssaslıq və məsuliyyət hissilə yanaşırıq.
Davamlı olaraq həm Bakıda, həm də bölgələrdə müxtəlif istiqamətli sosial layihələrin icrası iş həyatımızın gündəlik reallıqlarıdır. "Ailədən başlanan gələcək", "Mənim ilk uğurum", "Mənim ilk təcrübə məktəbim", "Psixologiya Akademiyası: Uşaq", "Salam, ana", "Böyük addımlarla təhsilli gələcəyə", "Müasir Azərbaycan qadını" və s. bu qəbildən olan layihələrdir. Dırnaq işarəsi altında verilən, yalnız adları sıralanan bu tədbirlərin layihə başlıqlarının sadə səslənməsinə baxmayın. Biz bu çağırışların hər birində cəmiyyətimiz üçün aktual olan ən vacib məqamlara işıq salmağa çalışmışıq. Mövzuya novator yanaşma problemin hərtərəfli izahı, hər bir tədbirə ölkə üzrə ən tanınan insanların cəlb olunması bu layihələrə canlılıq, dərin mahiyyət aşılamış və dərhal da mətbuatın, cəmiyyətin diqqətini cəlb etmişdir.
Cəmiyyətə adaptasiya olunmaq, ətraf çevrə ilə ünsiyyət qurmaq, qabiliyyət və bacarıqlarını üzə çıxarmaq kimi həyati məqamlarda çətinliklə üzləşən, özgüvən əksikliyi yaşayan qadınlar üçün davamlı olaraq hər il həyata keçirilən "Müasir Azərbaycan qadını" layihəsinə qoşulan xanımların sırasının ildən-ilə çoxalması heç də təsadüfi olmayıb istiqamətin düzgün müəyyən edilməsi və prosesin peşəkarlıqla icrasından, idarə olunmasından qaynaqlanır.
Müasirliklə ənənələri birləşdirən "Loqos" PNİM xeyriyyəçilik missiyasını bir an belə yaddan çıxarmır. Mərkəzin bütün filiallarında davamlı olaraq maddi imkanı məhdud ailələrin uşaqları üçün ödənişsiz diaqnostikalar təşkil edilir, bölgələrdə yaş məhdudiyyəti qoyulmadan psixoloji dəstəyə ehtiyacı olanlar üçün ödənişsiz aksiyalar keçirilir. Şəmkir, Tovuz, Qazax, Ağstafa, Qəbələ, Şəki, Xaçmaz, Lənkəran, Astara, Biləsuvar, Neftçala, Bərdə, Ağdam və digər rayonlarda təşkil olunan ödənişsiz konsultasiyalardan yüzlərlə insan faydalanıb. Bu insanlar həqiqətən də bizim mütəxəssislərlə görüşlərə can atır, bizim dəstəyimizə güvənir və yolumuzu gözləyirlər. İnsanların inamı bizə yeni güc verir, xidmətin keyfiyyətini elmi əsaslarla yüksəltməyə ruhlandırır.
Bir məsələni xüsusi qeyd etmək istərdim. Ədalətsiz müharibənin ağrı-acısını hər kəsdən çox yaşayan qaçqın-köçkün soydaşlarımız, müharibədə itkin düşən insanlarımızın ailəsi, uşaqları həmişə diqqətimizdədir. "Loqos" mənəvi-psixoloji dəstəyə ehtiyacı olan hər kəsin yanındadır və inanın ki, belə bir yanaşma aktual görünmək xatirinə deyil, gördüyümüz işin əhəmiyyətini dərindən anlamaqdan irəli gəlir.
Vətəndaş cəmiyyətinin inkişafı üçün çalışan, insanların psixoloji sağlamlığına xidmət göstərən "Loqos" PNİM və Psixoloji Xidmət və Tədqiqatlar Mərkəzi İctimai Birliyi də digər özəl qurumlar kimi Azərbaycan dövlətinin başçısı İlham Əliyevin insanların həyat şəraitinin yaxşılaşmasına, resbublikamızın hərtərəfli inkişafına yönələn bütün çağrışlarını, o cümlədən, korporativ sosial məsuliyyətlə bağlı onun tərəfindən irəli sürülən proqram və göstərişləri dəstəkləyir - həm də sözdə yox, gündəlik vicdanlı işi, ümumən götürüldükdə isə vətənə, onun insanlarına məhəbbəti, dövlət rəhbərinin apardığı siyasətin daha möhtəşəm uğurlar gətirəcəyinə dərin inamı ilə.
Xəbər lenti
-
15:18Deputat ABŞ-ı və Avropanı ağ yuyub qara sərdi: “Sizin qarnınızın ağrısı başqadır!”
-
11:19Naxçıvanda “QHT-lərin IV İnkişaf və Mübadilə Proqramı” keçiriləcək
-
10:56Azərbaycanın Qlobal İqlim Dəyişikliklərinə verdiyi töhfələr (3-cü yazı)
-
16:42Qan donorluğu və irsi qan xəstəliyi ilə bağlı maarifləndirici tədbir təşkil olunub
-
10:24ASAN könüllülərinin “Qarabağ” mədəniyyət sərgisi baş tutub
-
18:04Xankəndidə ilk körpə dünyaya gəlib
-
17:59Azərbaycanla Ermənistan arasında ilk sərhəd dirəyi quraşdırılıb - FOTO
-
17:37Kibercinayətkarlığa qarşı mübarizədə ictimai maarifləndirmə məsələləri müzakirə edilib
-
12:45Qazaxın işğaldan azad edilən kəndlərindən görüntülər - Erməni postları sökülür
-
12:42Prezident Rusiyada səfərdədir (FOTO)
-
12:39"Bilim Bakı"nın şagirdləri növbəti uğura imza atıblar
-
18:12Oxuduğu məktəbdə adı əbədiləşən şəhidin atası: “Sanki atasını qarşılayır” - VİDEO
-
13:00Aygün Əliyeva “Mir Şahinin vaxtı”nda: "Bizə yalnız effektiv nəticələr lazımdır"
-
11:37Deputat Ramil Həsən Ucarda seçicilərlə görüşdü
-
13:11Oslo Bəyannaməsi insan inkişafının təmin olunmasında yeni çağırışları ortaya qoyur ŞƏRH
-
16:52“Əli Kərimli “siyasi poçtalyon” funksiyasını üzərinə götürərək mitinqi anons edir” - DEPUTAT SƏRT DANIŞDI
-
12:55“InvestAZ”dan dünya maliyyə bazarları ilə bağlı həftəlik analiz
-
10:27Şəhid və yaralıların olması barədə saxta xəbər yayanlar tutulub –DTX və MEDİA-dan BİRGƏ AÇIQLAMA
-
10:11“Yaşıl dünya naminə həmrəylik ili” çərçivəsində növbəti ağacəkmə aksiyası keçirilib
-
10:47Prezidentin o israrının ilginc səbəbi - görüş niyə təxirə salınmadı?
-
11:35Ermənisayağı “iqtisadi sıçrayış”
-
13:23ABŞ-Aİ-Ermənistan görüşü xüsusi məqsədlərə hesablanıb - Deputat
-
15:07Aİ, ABŞ və Ermənistanın təhlükəligörüşü - İrəvan üçün tələ...
-
10:37Azərbaycan Respublikası Milli Məclisinin deputatı Ramil Həsənin 1 illik HESABATI
-
17:20Dayanıqlı inkişafa töhfə verən ali təhsil ocağı
-
09:25Hikmət Hacıyev NATO-nun sabiq Baş katibi Rasmussenlə bağlı paylaşım edib
-
09:18"MİNGƏÇEVİR DÖVLƏT UNİVERSİTETİ MODERNLƏŞDİRMƏ YOLUNDA" KİTABI HAQQINDA XOŞ TƏSÜRATLAR
-
12:584 fəsil dəniz mövsümü olan şimal adası
-
15:20“Əlbət ki, məlum terror öncədən planlaşdırılıb...” – Elşən Musayev
-
17:04Beynəlxalq Daun Sindromu Günü ilə bağlı tədbir keçirilib
-
14:16Ramil Həsənin təşəbbüsü ilə növbəti dəfə “Novruz” yardım aksiyasına start verildi
-
13:132024-cü il üzrə böyük, orta və kiçik qrant müsabiqələrinin nəticələri
-
12:56“InvestAZ”dan dünya maliyyə bazarları ilə bağlı həftəlik analiz
-
10:46QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ
-
16:17“YAŞAT” Fondu tərəfindən dəstək tədbirləri davam edir
-
10:59“Füzuli Könüllüləri” qrupuna qəbula start verilib
-
11:46Ermənistan Rusiya sərhədçilərini rəsmən qovur - Kremlin cəzası... SENSASİON DETALLAR
-
15:11İKT sahəsində qadın olmaq - FOTO/VİDEO
-
14:33Fransa “ilhaq”a “Zvartnos”dan başladı
-
13:52Risk etməyin, 50-50 içmisinizsə, *5050-yə zəng edin!
26 Aprel 2024
25 Aprel 2024
24 Aprel 2024
23 Aprel 2024
22 Aprel 2024
19 Aprel 2024
18 Aprel 2024
16 Aprel 2024
09 Aprel 2024
07 Aprel 2024
06 Aprel 2024
03 Aprel 2024
30 Mart 2024
29 Mart 2024
28 Mart 2024
26 Mart 2024
25 Mart 2024
23 Mart 2024
19 Mart 2024
18 Mart 2024
15 Mart 2024
14 Mart 2024
13 Mart 2024
Digər xəbərlər
-
SİYASƏT
Deputat ABŞ-ı və Avropanı ağ yuyub qara sərdi: “Sizin qarnınızın ağrısı başqadır!”
-
SİYASƏT
Naxçıvanda “QHT-lərin IV İnkişaf və Mübadilə Proqramı” keçiriləcək
-
SİYASƏT
Azərbaycanın Qlobal İqlim Dəyişikliklərinə verdiyi töhfələr (3-cü yazı)
-
SİYASƏT
Qan donorluğu və irsi qan xəstəliyi ilə bağlı maarifləndirici tədbir təşkil olunub
-
SİYASƏT
ASAN könüllülərinin “Qarabağ” mədəniyyət sərgisi baş tutub
-
SİYASƏT
Xankəndidə ilk körpə dünyaya gəlib
-
SİYASƏT
Azərbaycanla Ermənistan arasında ilk sərhəd dirəyi quraşdırılıb - FOTO
-
SİYASƏT
Kibercinayətkarlığa qarşı mübarizədə ictimai maarifləndirmə məsələləri müzakirə edilib
-
MANŞET, SİYASƏT
Prezident Rusiyada səfərdədir (FOTO)