“InvestAZ”-dan dünya maliyyə bazarları ilə bağlı həftəlik analiz

“InvestAZ”-dan dünya maliyyə bazarları ilə bağlı həftəlik analiz

(Bazarlarda dönüş siqnalları)

InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR və GBP
Avrozona və İngiltərədə faizlərin yüksəldiləcəyi ehtimalları EURUSD və GBPUSD məzənnələrində ucuzlaşma trendinin zəifləməsinə səbəb olmuşdur. Dəstək görərək bahalaşması üçün güclü fundamental göstəricilərin açıqlanması lazımdır. 
Bu baxımından, bu həftə önəmlidir, çünki cümə axşamı Bakı vaxtı ilə saat 10:00-da İngiltərə və cümə günü saat 13:00-da Avrozonadan sənaye istehsal həcmi ilə bağlı vacib statistik məlumatlar yayımlanacaqdır. 

TRY. 
Amerikanın əmək bazarına dair fundamental göstəricilərin müsbət dərc edilməsi və Türkiyədə inflyasiyanın artması özünü USDTRY məzənnənin son beş ayın maksimumuna yüksəlməsində də göstərir. 
Bu həftə Türkiyədən də önəmli göstəricilər dərc ediləcəkdir: Çərşənbə axşamı saat 11:00-da işsizlik və cümə günü yenə saat 11:00-da sənaye dövriyyəsi ilə bağlı rəqəmlər. 

OIL. 
Enerji bazarlarında sanksiyaların güclənməsi və "OPEC Plus”-un hasilat limiti siyasətinə davam etməsi neft qiymətlərinin də 114$-da - maksimumlarda ticarət edilməsinə səbəb olur. 
Çərşənbə günü saat 18:30-da dərc ediləcək ABŞ-ın neft ehtiyatları ilə bağlı göstəriciləri bu həftə də treyderlər tərəfindən böyük maraqla gözlənilir. 

GOLD. 
Sərt monetar siyasət nəticəsində inflyasiyanın geriləməsi, əlvan metallar bazarlarında qızılın da müqavimətlə rastlaşmasına səbəb olur. 1871$-ın (60.2 $/qram) qırılması ilə eniş dalğası 1834$-a (59 $/qram) kimi davam edə bilər. 

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.



"İnvest-AZ İnvestisiya Şirkəti” QSC-nin 
Analitika Departamenti


"İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikasının Mərkəzi Bankı tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.


_______________________________________________________________________

Risk bildirişi.
Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və "İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.

Xəbər lenti