“InvestAZ”-dan dünya maliyyə bazarları ilə bağlı həftəlik analiz

“InvestAZ”-dan dünya maliyyə bazarları ilə bağlı həftəlik analiz
InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR. 
Amerika Mərkəzi Bankının (FED) siyasətini sərtləşdirməyə başlaya biləcəyi proqnozları EURUSD məzənnəsinin də ucuzlaşmasına səbəb olur. Hazırda 1.21$-a ticarət edilən avronun qiyməti, beləliklə, 1.20$-a kimi də düşə bilər. 
FED-in yeni açıqlamaları isə çərşənbə günü Bakı vaxtı ilə saat 22:00-da faiz qərarının dərc edilməsindən yarımsaat sonra olacaqdır. 

GBP. 
GBPUSD məzənnəsi də dollar indeksindən asılı olaraq 1.41$-a ticarət edilir və 1.40$-a kimi ucuzlaşacağı proqnozlaşdırılır.
Bununla yanaşı, Şimali İrlandiya ilə sərhəd mövuzunda İngiltərə ilə AB arasında mübahisələrin həllinə dair danışıqlar da investorların diqqət mərkəzindədir. 

TRY. 
TCMB-nin cümə axşamı saat 15:00-da yayımlanacaq faiz qərarı öncəsi lirədə bahalaşma müşahidə edilir. Təhlllərə əsasən, bankın qərarına kimi USDTRY məzənnəsinin 8.30 - 8.50TL aralığında dalğalanacağı ehtimal edilir. 

OIL. 
Amerikada neft ehtiyatlarının azalması xəbərlərindən sonra Brentin qiyməti bahalaşmaqda davam edir. Hazırda 73$-ın üzərində ticarət edilən bir barel qiymət, 78$-a kimi dəyər qazana bilər. 
Çərşənbə günü saat 18:30-da dərc ediləcək ABŞ-ın neft ehtiyatları ilə bağlı göstəriciləri bu həftə də treyderlər tərəfindən böyük maraqla gözlənilir. 

GOLD. 
FED-in mümkün qərarına dair ehtimallar əlvan metallar bazarlarında qızılın da qiymətinə təsir etməkdədir. Belə ki, 1855$-ın (59.6 $/qram) qırılması ilə 1825$-a (58.7 $/qram) kimi ucuzlaşmanın da şahidi ola bilərik. 

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.



"İnvest-AZ İnvestisiya Şirkəti” QSC-nin 
Analitika Departamenti


"İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikasının Mərkəzi Bankı tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.


_______________________________________________________________________

Risk bildirişi.
Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və "İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.

Xəbər lenti